قصيدة فزاع للشيخ زايد الله يرحمه ...

[~شيخة القلب~]

حبيت اقدم لكم قصيدة فزاع الي كتبها عن المغفور له الشيخ زايد الله يرحمة:-


العذر يابوي لو ماشلني ساقي...
الحزن ما طاقني والقلب ما طاقه ..

ياعيني ابكي وساعدها يا خفاقي ..
ما هوب بعيبٍ يفيض الدمع ف احداقه ..

يا موحد الدار .. يالمتفرد الراقي ..
والغيم حزنٍ جذب الاحساس براقه ..

اشوف كن النهار يحدر احداقي ..
واشراقته ما تشابه أية اشراقه ..

ومن يعذل القلب عن ضيقته لا ضاقي ..
انسان مشكوك في مذهبه واخلاقه ..

ياحاكم الارض و أول وآخر اشواقي ..
يفداك قلبٍ حزن فرقاك ما ذاقه ..

في غيابك الناس ماتت وانته الباقي..
لأنك الغالي اللي يذبح فراقه ..

يبكيك من يغرس النخله على الساقي..
يبكيك راعي الشداد وراعي الناقه ..

والطيب والجود والعزه والاخلاقي..
والارض وترابها والبحر واعماقه ..

شيخٍ مقامه سكن ما بين الاعماقي ..
حتى الزمن من محبينه وعشاقه..

[روح دبي]

تسلمين شيخة القلب على القصيده روووعه

وننطر يديدج ...

تحياااااااتي

[ام كـشـه]

يسلموو الغاليه عالموضووع ونتريا يديدج ..

[~شيخة القلب~]

الله يسلمكم

ومشكورين على الطله الحلوة

[رمش الغلا]

وربي طرر يعطيييج الف عافيه

[الـمـري]

الله يرحمه الشيخ زايد بن سلطان الانهيان
مشكوره ع الموضوع
ونترياء الجديد منج